तारक मेहता का उलटा चष्मा या शोमध्ये टप्पूची भूमिका साकारलेल्या भव्य गांधीच्या वडिलांचे कोरोनामुळे निधन झाले आहे. कोरोनाची ही दुसरी लाट भव्यच्या वडिलांसाठी काळ बनून आली. भव्य गांधीचे वडील विनोद गांधी कन्स्ट्रक्शन बिझनेसमध्ये होते. गेल्या काही दिवसांपासून ते कोरोनाशी लढ देत होते.
भव्य गांधी याच्या वडिलांना काही दिवसांपूर्वीच करोनाची लागण झाल्यानं रुग्णालयात दाखल करण्यात आलं होतं. अखेरच्या काही दिवसांत त्यांची तब्येत ढासळल्यानं त्यांना व्हेंटिलेटरवर ठेवण्यात आलं होतं. पण करोनाची ही लढाई ते जिंकू शकले नाहीत. मुंबईतील कोकिलाबेन रुग्णालयात भव्यचे वडिल विनोद गांधी यांनी अखेरचा श्वास घेतला. ते एक बांधकाम व्यवसायिक होते.
भव्य गांधीला ‘तारक मेहता का उल्टा चश्मा’ या मालिकेनं बरीच लोकप्रियता मिळवून दिली होती. २०१७ मध्ये त्यानं ही मालिका सोडली. पण या मालिकेत त्यानं साकारलेली तिपेंद्र उर्फ टप्पू ही भूमिका बरीच गाजली होती. तो घराघरात ओळखला जाऊ लागला. जवळपास ९ वर्ष भव्यनं या मालिकेसाठी काम केलं.
मालिका सोडल्यानंतर तो मालिकेतील कलाकरांच्या संपर्कात असल्याचं त्याच्या सोशल मीडिया पोस्टवरून दिसून येतं. ऑनस्क्रीन आई-बाबा दिशा वकानी आणि दिलीप जोशी यांच्याशी त्यांचं चांगलं बॉन्डिंग आहे.
