‘दिलवाले दुल्हनिया ले जाएंगे’ चित्रपटाच्या प्रदर्शनाला 25 वर्षे पूर्ण झाली आहेत. हा चित्रपट 20 ऑक्टोबर 1995 रोजी थिएटरमध्ये प्रदर्शित झाला होता. या खास प्रसंगी चित्रपटाशी संबंधित अनेक मजेदार किस्से इंटरनेटवर प्ररसिद्ध आहेत. इतकेच नाही तर शाहरुख खानने आपले ट्विटरचे नाव बदलून राज मल्होत्रा केले आहे आणि काजोलने सिमरन ठेवले आहे.
शाहरुख-काजोल खऱ्या आयुष्यातील चांगले मित्र आहेत आणि चित्रपटाच्या शूटिंग दरम्यानही त्यांनी खूप मजाही केली होती. अशा परिस्थितीत अभिनेत्रीने एकदा चित्रपटाच्या शूटिंगशी संबंधित एक किस्सा शेअर केला होता, चला जाणून घेऊया …
वास्तविक, काजोलने मुलाखती दरम्यान सांगितले होते की, शाहरुख खान आणि काजोल यांना चित्रपटात एक रोमँटिक सीन शूट करायचा होता, तो सीन शूटसाठी त्यांना खूप त्रास सहन करावा लागला होता. ‘दिलवाले दुल्हनिया ले जाएंगे’ ही हिंदी सिनेमाची सर्वोत्कृष्ट प्रेमकथा मानली जाऊ शकते. त्याची सर्व गाणी ब्लॉकबस्टर ठरली होती आणिि त्याचे देखावेही आइकॉनिक आहेत.
या चित्रपटात शाहरुख आणि काजोल बेडवर एक देखावा आहे. काजोलने एकदा यासंदर्भात एक मजेशीर किस्सा सांगितला होता. आदित्य चोप्राला हा देखावा स्टीमी बनवायचा होता, पण तो शूट करण्यासाठी खूप संघर्ष करावा लागला होता.
काजोलने म्हटले होते की, जेव्हा ते या सीनचे शूटिंग करत होते तेव्हा तीला आणि शाहरुखला खूप हसू येत होते. या देखाव्यासाठी त्याला बरीच रीटेक द्यावी लागली.
शाहरुखला संवाद बोलयचा होता, पण ते एकमेकांकडे पाहताच त्यांना हसू येत असे. तथापि चित्रपटाच्या चित्रीकरणाला जरी कठीण वाटले असेल पण त्यातील अनेक देखावे पाहून लोकांच्या हृदयाचे ठोके आजही वाढतात.
इतकेच नव्हे तर काजोलने एका मुलाखतीतही सांगितले होते की ‘मेरे ख्वाबों में जो आये …’ हे गाणे शूट करण्यास सुरुवातीला खूपच अस्वस्थ वाटले होते. फक्त टॉवेलमध्ये शूट करण्याची कल्पना तिला आवडली नाही. पण जेव्हा आदित्यने तीला मनवले तेव्हा तीने तो सीन शूट केला. हे गाणे नंतर सुपरहिट ठरले आणि काजोलचेही खूप कौतुक झाले.
‘मेरे ख्वाबों में जो आये …’ या चित्रपटाचे गाणे ट्रेंड सेटर गाणे मानले जाते. या गाण्याचे बोल दिग्गज गीतकार आनंद बक्षी यांनी लिहिले आहेत. पण हे गाणे लिहिण्यासाठी त्यांना खूप कसरत करावी लागली होती. हे गाणे आदित्यने 23 वेळा नाकारले आणि 24 व्या वेळी हे गाणे अंतिम झाले, जे नंतर सुपर-डुपर हिट म्हणून सिद्ध झाले.
